Ku ba ku phail gayi baat shanasayee ki
 

Ku ba ku phail gayi baat shanasayee ki
Us nay khushboo ki tarha meri pazeerai ki

Kaisay keh doun keh mujhe choor dya hai us nay
Baat to sach hai magar baat hai ruswai ki

Woh kaheen bhi gaya ... lota to merey pass aaya
Bus yehi baat hai achee meray harjai ki

Tera pehlo ... terey dil ki tarha abaad rahay
Tujh pay guzray na qayamat shab-e-tanhayee ki

Us nay jalti hui payshaani par jab haath rakha
rooh tuk aagayee taseer maseehai ki

Ab bhi barsaat ki ratoon may badan toot'ta hai
Jaag uthti hain ajeeb khowahishain anghraye ki