Gham bhi un ko naseeb hotey hein
                                                   (Shazia Tasleem)

Gham bhi un ko naseeb hotey hein
Loog jo khush naseeb hotey hein

Hota hai aik hi koi apna
Warna sarey raqeeb hote hein

Daulat-e-zindagi ki khowahish hai
Loog kitne ghareeb hote hein

Zakhm hum ko jo atta kerte hein
Wohi dil ke tabeeb hote hein

Hum ko dushman samajh rahe hein wohi
Jo humare habeeb hotey hein

Dilon mein dard chupaney waley
Khowahishon ki saleeb hote hein

Ishq mein mar ke bhi fana na huwey
Silsiley yeh bhi ajeeb hotey hein

Next >>